O‘zbekistonga tashrif buyuruvchi va undan ketuvchi jismoniy shaxslar endilikda Davlat bojxona qo‘mitasining T-6 shakldagi bojxona deklaratsiyasi blankini o‘zlari chop etishlari mumkin. Bu haqda Gazeta.uz xabar berdi.

PDF shakldagi deklaratsiyani qo‘mitaning rasmiy saytidan o‘zbek, rus va ingliz tillarida ko‘chirib olish mumkin. Xatolikka yo‘l qo‘yilmasligi uchun saytda kerakli ko‘rsatma va namuna ham berilgan.

To‘ldirilgan deklaratsiyalar ikki nusxada A5 (21×15) o‘lchamdagi qog‘ozga (ikki tomonlama) chop etilishi kerak.